विमानात बॉम्बच्या धमकीची आणखी एक घटना समोर आली आहे. इंडिगोचे विमान कोचीहून दिल्लीला जात होते. बॉम्बची धमकी मिळाल्यानंतर हे विमान नागपुरात उतरवण्यात आले आहे.
विमानात बॉम्ब असल्याची माहिती मिळाल्यानंतर, विमान नागपुरात उतरवण्यात आले. सध्या या प्रकरणाची चौकशी करण्यात येत आहे. पोलिस आणि अग्निशमन दलाच्या गाड्या विमानतळावर पोहोचल्या आहेत आणि विमानाची तपासणी केली जात आहे. इंडिगोचे हे विमान वीस मिनिटांपूर्वी नागपूर विमानतळावर उतरले होते. परंतु अद्याप कोणतीही संशयास्पद वस्तू आढळलेली नाही. कोचीहून दिल्लीला जाणाऱ्या इंडिगोच्या विमानाला बॉम्बची धमकी मिळाल्यानंतर नागपूर विमानतळावर आपत्कालीन लँडिंग करावे लागले.
आज सकाळी 9.20 वाजता बॉम्बची धमकी मिळाल्यानंतर इंडिगोच्या विमान क्रमांक 6E- 2706 ला नागपूर विमानतळावर वळवण्यात आले. सर्व प्रवाशांना सुरक्षितपणे बाहेर काढण्यात आले आहे. या प्रकरणाची चौकशी सुरू आहे.
