दादरच्या एस. के. बोले मार्गावरील एक भलेमोठे झाड उन्मळून पडण्याच्या स्थितीत होते. झाड पडले असते तर घरांचे, दुकानांचे नुकसान व जीवितहानी झाली असती. मात्र, शिवसैनिकांच्या प्रसंगावधानामुळे हे झाड हटवण्यात आले असून मोठे संकट टळले.
माहीम विधानसभा निरीक्षक यशवंत विचले आणि माजी शाखाप्रमुख चंद्रकांत झगडे यांनी पालिका, अग्निशमन दल, पोलीस व वाहतूक अधिकाऱ्यांना याची माहिती दिली. या कामासाठी महानगरपालिका जी उत्तर गार्डन विभागाचे अधिकारी नलगे, विश्वेश्वर गमरे, मुंबई अग्निशमन दलाचे अधिकारी आर. व्ही. नाईक तसेच वाहतूक पोलिसांचे सहकार्य लाभले. यावेळी उपशाखाप्रमुख प्रकाश नाटेकर, रेमंड डिसुजा, शीवचे उपविभागप्रमुख राजेश कुचिक, गटप्रमुख नरेंद्र शिंदे उपस्थित होते.
