लिंबू पाण्याचे नाव ऐकताच मन आणि शरीर दोन्हीला एक तजेलदारपणा मिळतो. अनेकांची सकाळ सध्या याच लिंबू पाण्यापासून सुरु होऊ लागलेली आहे. खासकरुन वजन कमी करण्याच्या बाबतीत लिंबू पाणी लोकप्रिय पर्याय बनला आहे. ते शरीरासाठी इतर अनेक प्रकारे फायदेशीर आहे. पण तरीही मनात नेहमीच एक प्रश्न राहतो की सकाळी रिकाम्या पोटी लिंबू पाणी पिणे सर्वांसाठी फायदेशीर ठरू शकते की काही लोकांसाठी ते हानिकारक असू शकते?
आयुर्वेदानुसार, लिंबूमध्ये नैसर्गिकरित्या असलेले सायट्रिक अॅसिड पाचक एंजाइम सक्रिय करण्यास मदत करते. सकाळी रिकाम्या पोटी लिंबू पाणी पिल्याने गॅस, अपचन, पोटफुगी आणि बद्धकोष्ठता यासारख्या समस्यांपासून आराम मिळतो.
Health Tips – अशक्तपणावर मात करण्यासाठी ‘हे’ पदार्थ खाणे गरजेचे, वाचा
सकाळी उठल्यानंतर शरीर थोडेसे डिहायड्रेट होते. अशा परिस्थितीत कोमट लिंबू पाणी शरीराला हायड्रेट करत नाही तर दिवसाची सुरुवात देखील अतिशय उत्तम होते. लिंबु पाणी हे आपल्या शरीराला डिटॉक्सिफाय करण्यास देखील मदत करते. लिंबूमध्ये असलेले इलेक्ट्रोलाइट्स शरीरातील पाण्याची कमतरता संतुलित करण्याचे काम करतात.
लिंबू हे व्हिटॅमिन सीचा एक उत्कृष्ट स्रोत आहे. यामुळे केवळ रोगप्रतिकारक शक्ती मजबूत होत नाही तर, त्वचेसाठी सुद्धा लिंबू पाणी वरदान ठरते. नियमितपणे लिंबू पाणी पिल्याने कोलेजन तयार होण्याची प्रक्रिया वेगवान होते. यामुळे आपली त्वचा घट्ट, चमकदार आणि निरोगी दिसते. लिंबू पाणी शरीराला संसर्ग आणि रोगांशी लढण्यास मदत करते.
कोमट पाण्यात मिसळून लिंबाचा रस पिल्याने शरीराची चयापचय प्रक्रिया वेगवान होते आणि शरीरात जमा झालेली अतिरिक्त चरबी कमी होण्यास मदत होते. तुम्ही त्यात थोडे मध किंवा आल्याचा रस घालून त्याची चव वाढवू शकता, यामुळे लिंबू पाण्याचे फायदे आणखी वाढतील.
Weight Loss Tips – झटपट बारीक होण्यासाठी ‘या’ उपायांचा अवलंब करा, वाचा
लिंबू पाणी कोणी पिऊ नये
लिंबू पाणी खूप फायदेशीर असले तरी ते सर्वांसाठी योग्य नाही. ज्यांना आधीच आम्लपित्त, पोटात अल्सर इत्यादींच्या तक्रारी आहेत किंवा ज्यांना आंबट फळांपासून ऍलर्जी आहे त्यांनी रिकाम्या पोटी लिंबू पाणी पिणे टाळावे. अशा लोकांसाठी सकाळी रिकाम्या पोटी लिंबू पाणी पिणे हानिकारक असू शकते.
लिंबू पाणी पिण्याची योग्य वेळ
लिंबू पाण्याचा परिणाम तेव्हाच होतो जेव्हा ते योग्य पद्धतीने आणि योग्य वेळी प्यावे. यासाठी सकाळी उठताच, रिकाम्या पोटी अर्ध्या लिंबाचा रस एका ग्लास कोमट पाण्यात मिसळा. नाश्त्याच्या सुमारे 15 ते 30 मिनिटे आधी ते प्या. त्यात साखर अजिबात घालू नका. तुम्हाला चवीसाठी काही घालायचे असेल तर तुम्ही थोडे मध किंवा आल्याचा रस घालू शकता. दातांचे रक्षण करण्यासाठी ते स्ट्रॉने प्या. याशिवाय, लिंबू पाणी पिल्यानंतर पाण्याने गुळण्या करा.
