भंडारा-गोंदियाचे काँग्रेसचे खासदार डॉ. प्रशांत पडोळे यांच्या कारला आज भीषण अपघात झाला. दिल्लीहून नागपूरला ते विमानाने आले. तेथून मतदारसंघात येत असताना त्यांच्या कारला उमरेड बायपासजवळ ट्रकची जोरदार धडक बसली. यामध्ये पडोळे यांच्यासह इतरांना किरकोळ दुखापत झाली आहे. खासदार डॉ. प्रशांत पडोळेंना आणण्यासाठी कारने त्यांचा स्विय सहाय्य यश पाटील, वाहन चालक राहुल गिर्हेपुंजे व गिरीश रहांगडाले असे तिघे नागपूरला गेले होते. पडोळे यांना सोबत घेऊन ते नागपूर-भंडारा या राष्ट्रीय महामार्गावरून परतीच्या प्रवास करत असताना हा अपघात झाला. भंडाऱ्याकडे येत असताना उमरेड बायपासवर एका ट्रकने पडोले यांच्या कारला जोराची धडक दिली. यात पडोळेंच्या गाडीच्या पुढच्या भागाचा चक्काचूर झाला. भंडारे यांच्या डोक्याला मार लागला होता. प्रथमोपचारानंतर त्यांना सोडून देण्यात आले.
