रत्नागिरीतील भारत शिक्षण मंडळाच्या नव्या कार्यकारी मंडळाची निवड जाहीर करण्यात आली आहे. नव्या कार्यकारी मंडळात अध्यक्ष पदावर नमिता कीर यांची बिनविरोध निवड झाली. उपाध्यक्ष पदावर डॉ. अलिमिया परकार यांची निवड करण्यात आली आहे.
भारत शिक्षण मंडळाच्या नव्या कार्यकारिणीच्या निवडीकरिता नुकतीच सभा घेण्यात आली. या सभेत 2025 ते 2028 या तीन वर्षांकरिता नव्या कार्यकारी मंडळाची निवड करण्यात आली.
कार्याध्यक्षपदी श्रीराम भावे,उपकार्याध्यक्ष पदावर सुनिल वणजू आणि डॉ. चंद्रशेखर केळकर, कार्यवाह पदावर धनेश रायकर, सहकार्यवाह पदावर विनय परांजपे आणि श्रीकृष्ण महादेव दळी, खजिनदार पदी नित्यानंद भुते यांची निवड करण्यात आली आहे. याशिवाय विश्वस्तपदी चंद्रकांत घवाळी, विनायक हातखंबकर तर सदस्यपदी संतोष कुष्टे, संजय चव्हाण, सनातन रेडीज, नितीन मोहिते, प्रविण आंबेकर, विक्रम लाड यांची निवड करण्यात आली.
