रशियाने हिंदुस्थानला कच्च्या तेलाचा पुरवठा करण्यासाठी जहाजाला बनावट झेंडे लावले होते, असा खुलासा युरोपीय थिंक टँक सेंटर रिसर्च ऑन एनर्जी अँड क्लीन एअर (सीआरईए)च्या एका रिपोर्टमधून करण्यात आला आहे. या रिपोर्टनुसार, जानेवारी ते सप्टेंबर 2025 या दरम्यान 30 जहाजांमधून हिंदुस्थानात 5.4 मिलियन टन रशियन तेल आले होते. याची किंमत 2.1 अब्ज युरो म्हणजेच जवळपास 22 हजार कोटी रुपये होती. या जहाजावर बनावट झेंडे लावण्यात आले होते.
युक्रेनवर रशियाने केलेल्या हल्ल्यानंतर पश्चिमी देशांनी रशियाच्या ऊर्जेवर बंदी घातली होती. मॉस्कोने या बंदीपासून सुटका करण्यासाठी तेलाचा पुरवठा करणाऱ्या जहाजावर बनावट झेंडे लावले होते. या झेंडय़ाचा वापर चीन, हिंदुस्थान आणि तुकाaसारख्या देशांना तेल पाठवण्यासाठी केला जातो.
2025 च्या पहिल्या नऊ महिन्यांत एकूण 113 रशियन जहाजांनी बनावट झेंडय़ाचा वापर केला. या जहाजांनी रशियातील कच्च्या तेलाचा 13 टक्के भाग म्हणजेच 11 मिलियन टन तेल पोहोचवले. याची किंमत 4.7 अब्ज यूरो म्हणजेच 5.4 अब्ज अमेरिकन डॉलर्स होती.
