आयआयटी पवई येथे विद्यार्थ्यांच्या आवडीचा बहुप्रतीक्षित टेक फेस्ट आजपासून मोठय़ा उत्साहात सुरू झाला आहे. टेक फेस्टमध्ये विद्यार्थ्यांनी स्वतः तयार केलेले रोबोट, रोबोटिक गाडया, स्वयंचलित यंत्रसामग्री तसेच अत्याधुनिक तंत्रज्ञानावर आधारित उपकरणांचे भव्य प्रदर्शन मांडले आहे. विशेष आकर्षण ठरलेला मानवी रोबोट पाहण्यासाठी विद्यार्थ्यांसह तंत्रज्ञानप्रेमींनी मोठय़ा प्रमाणावर गर्दी केली होती. हा रोबोट मानवी हालचालींची नक्कल करत असल्याने उपस्थितांचे लक्ष वेधून घेतले.
आयआयटी टेक फेस्टमध्ये हिंदुस्थानसह परदेशातील विविध विद्यापीठांमधील विद्यार्थ्यांनी सहभाग घेतला असून, त्यांच्या तांत्रिक काwशल्याचे आणि नाविन्यपूर्ण विचारांचे दर्शन घडवणारे अत्याधुनिक प्रकल्प सादर करण्यात आले आहेत. आयआयटी टेक फेस्टचा उद्देश विद्यार्थ्यांमधील संशोधनवृत्ती, नवकल्पना आणि तांत्रिक काwशल्यांना व्यासपीठ उपलब्ध करून देणे हा आहे.
