गुरुवारी अहमदाबादच्या सरदार वल्लभभाई पटेल आंतरराष्ट्रीय विमानतळावरून लंडनला जाणारे एअर इंडियाचे बोईंग 787-8 ड्रीमलायनर, फ्लाइट एआय-171 हे उड्डाणानंतर काही क्षणांतच कोसळले. या अपघातामुळे मोठ्या प्रमाणात बचाव कार्य सुरू झाले आहे आणि विमान अपघातांच्या कारणांचा शोध घेण्यासाठी वापरल्या जाणाऱ्या फ्लाइट रेकॉर्डर्स, म्हणजेच ब्लॅक बॉक्स सापडल्यानंतरच कारणे कळतील.
विमान 625 फूट उंचीवर असताना कोसळल्याने, आता विमानाच्या आतील सर्व इत्यंभूत माहिती ही केवळ ब्लॅक बाॅक्सच्या माध्यमातूनच समोर येणार आहे. ब्लॅक बाॅक्स सापडल्यानंतर, फ्लाइट डेटा रेकॉर्डर (FDR) इंजिनची कार्यक्षमता, नियंत्रण पृष्ठभागाची स्थिती आणि सिस्टम इशाऱ्यांबद्दल अचूक डेटा हातात येईल. तसेच कॉकपिट व्हॉइस रेकॉर्डर (CVR) आपत्कालीन चेकलिस्ट, क्रू समन्वय किंवा यांत्रिक समस्यांवरील चर्चा ब्लॅक बाॅक्स सापडल्यानंतर समोर येणार आहे.
Breaking- एअर इंडियाच्या विमानात बॉम्बची धमकी, थायलंडमध्ये आपत्कालीन लँडिंग
