एअर इंडियाच्या विमानाचा अहमादाबाद येथे झालेल्या अपघातात तब्बल 241 प्रवाशांचा मृत्यू झाला. यामध्ये एका युवा क्रिकेटपटूचा देखील समावेश होता. दिर्घ पटेल असे त्या क्रिकेटपटूचे नाव असून तो लंडनमधील लीड्स मॉडर्नियन्स क्रिकेट क्लबकडून क्रिकेट खेळायचा. त्याच्या मृत्यूवर क्लबने शोक व्यक्त केला आहे.
आमच्या क्लबमधील प्रत्येकाच्या संवेदना दिर्घ पटेलच्या कुटुबियांसोबत आहेत. कायम उत्साही व एनर्जेटिक खेळाडू अशी त्याची ओळख होती. तो कायम आमच्या आठवणीत राहिल’, असे क्लबकडून निवेदन जारी करण्यात आले आहे.
दिर्घ पटेला हा मूळचा गुजरातचा रहिवासी होती. तो यूकेमधील हडर्सफील्ड विद्यापीठात आर्टिफिशियल इंटेलिजेंसमध्ये पदव्युत्तर पदवी घेत होता. दिर्घ पटेल याने फर्स्ट इलेव्हनच्या 20 सामन्यांमध्ये 312 धावा आणि 29 विकेट्स घेतल्या होत्या.
