यशवंतराव चव्हाण द्रुतगती मार्गावर हायवे ट्रॅफीक मॅनेजमेंट सिस्टम अंतर्गत ग्रॅन्टी उभारण्याचे काम महाराष्ट्र राज्य रस्ते विकास महामंडळामार्फत सुरू असून 17 ते 19 आणि 26 ऑक्टोबर रोजी दुपारी 12 ते 1 या वेळेत द्रुतगतीमार्गाच्या मुंबई आणि पुणे वाहिनीवर वाहतूक पूर्णत: बंद राहणार असल्याची माहिती महाराष्ट्र राज्य रस्ते विकास महामंडळाने दिली आहे.
17 ऑक्टोबर रोजी पुणे वाहिनीवरील खंडाळा बोगदा कि.मी 47/900 व लोणावळा कि.मी. 50/100 येथे, 18 ऑक्टोबर रोजी मुंबई वाहिनीवरील दस्तुरी पोलीस चौकी कि.मी. 44/800 व खालापूर कि.मी. 33/800, 19 ऑक्टोबर रोजी ढेकू गाव कि.मी. 37/800 व कि.मी. 37, 26 ऑक्टोबर रोजी खंडाळा बोगदा कि.मी. 47/120 तर खोपोली एक्झीट कि.मी. 39/900 वर गॅन्ट्री उभारण्याचे काम सुरू राहणार आहे. काम पूर्ण झाल्यावर दुपारी 1 वाजता सदर वाहिनीवरील वाहतूक पुन्हा सुरू करण्यात येईल, असेही कळविण्यात आले आहे.
