बुलढाणा जिल्ह्यात आज 44 अहवाल पॉझिटिव्ह, 12 रूग्णांची कोरोनावर मात

771

प्रयोगशाळेत तपासणीसाठी पाठविलेल्या व रॅपिड अँटीजेंट टेस्ट किटद्वारे तपासलेल्या अहवालांपैकी एकूण 280 अहवाल प्राप्त झाले आहेत. यापैकी 236 अहवाल कोरोना निगेटिव्ह असून 44 अहवाल पॉझिटिव्ह प्राप्त आले आहे. प्राप्त पॉझिटिव्ह अहवालामध्ये प्रयोगशाळेतील 16 व रॅपिड टेस्टमधील 28 अहवालांचा समावेश आहे. निगेटीव्ह अहवालामध्ये प्रयोगशाळेतून 3 तर रॅपिड टेस्टमधील 233 अहवालांचा समावेश आहे. अशाप्रकारे 236 अहवाल निगेटीव्ह आहेत. तसेच आज उपचारादरम्यान खामगाव येथील 50 व 55 वर्षीय महिला रूग्णाचा मृत्यू झाला आहे.

आज 12 रूग्णांनी कोरोनावर मात केल्यामुळे त्यांना वैद्यकीय प्रोटोकॉलप्रमाणे सुट्टी देण्यात आली आहे. त्यामध्ये साखर खर्डा तालुका सिंदखेड राजा  येथील 65 वर्षीय पुरूष, 33 वर्षीय महिला, सिविल कॉलनी  ता. दे. राजा येथील 30 वर्षीय पुरुष, 28 वर्षीय महिला, दूर्गापुरा दे. राजा येथील 78, 50, 12 वर्षीय पुरुष, 48 व 13 वर्षीय महिला, जलालपुरा खामगांव येथील 52  वर्षीय पुरुष, सती फैल येथील 85 वर्षीय महिला व डी एस डी बुलडाणा येथील 37 वर्षीय महिला  रूग्णाचा  समावेश आहे.  तसेच आजपर्यंत 5575 रिपोर्ट निगेटिव्ह प्राप्त झाले आहेत. त्याचप्रमाणे आजपर्यंत 297 कोरोनाबाधीत रुग्ण कोरोना निगेटिव्ह असल्यामुळे त्यांना वैद्यकीय प्रोटोकॉलप्रमाणे सुट्टी देण्यात आली आहे. अशाप्रकारे सुट्टी देण्यात आलेल्या रूग्णांची एकूण संख्या 297 आहे.

आज रोजी 41 नमुने अहवालाच्या प्रतिक्षेत आहेत. आजपर्यंत एकूण निगेटिव्ह अहवाल 5575 आहेत. जिल्ह्यात आज अखेर एकूण 669 कोरोनाबाधित रूग्ण असून त्यापैकी 297 कोरोनाबाधीत रूग्णांनी कोरोनावर मात केल्यामुळे त्यांना वैद्यकीय प्रोटोकॉलप्रमाणे सुट्टी देण्यात आली आहे. त्यामुळे जिल्ह्यात सध्या  रूग्णालयात 352 कोरोना बाधीत रूग्णांवर उपचार सुरू आहेत. तसेच आजपर्यंत 20 कोरोनाबाधीतांचा मृत्यू झाला आहे, अशी माहिती निवासी उपजिल्हाधिकारी यांनी दिली आहे.

आपली प्रतिक्रिया द्या