कोल्हापूरचे खासदार छत्रपती शाहू महाराज यांनी बुधवारी रात्री उशिरा मालवण राजकोट येथील किल्ल्याला भेट देऊन पाहणी केली. यावेळी ते म्हणाले, राजकोट येथे घडलेली घटना अत्यंत दुर्दैवी आणि दुःख देणारी आहे. आजपर्यंत इतिहासात छत्रपती शिवाजी महाराजांचा पुतळा कोसळण्याची घटना कधीही घडली नाही ती येथे घडली आहे. ही घटना का घडली? याला जे जबाबदार आहेत त्या सर्वांवर कारवाई व्हायलाच हवी, असे ते म्हणाले.
