
सीमारेषावर आगळीक करणारा, आपल्या सैन्य ताकद आणि हत्यारांच्या बळावर शेजारील देशांना धमकवणारा, दक्षिण चीन समुद्रावर दावा ठोकणाऱ्या चीनच्या पीपल्स लिबरेशन आर्मीचा एक व्हिडिओ सध्या प्रचंड व्हायरल होत आहे. यात चिनी सैन्य आणि हत्यारांची पोलखोल झाली असून जगभरात चीनचे हसे झाले आहे. व्हिडिओमध्ये चीनचा ‘amphibious’ रणगाडा दिसत आहे. हा रणगाडा जमीन आणि पाण्यावर चालण्यात सक्षम असल्याचा दावा चीन करतो. मात्र चीन ज्या रणगाड्याच्या जीवावर शेजारील देशांना युद्धाची धमकी देत होता तोच सैनिकांसह बुडाला.
amphibious हा रणगाडा पाणी आणि जमिनीवर चालण्यास सक्षम असल्याचा दावा चीन करतो. पाण्यात राहून वाट पाहून सैन्यावर हल्ला करणे हे या रणगाड्याचे काम आहे. मात्र या रणगाड्यांसाठी खराब क्वालिटीचा पत्रा आणि स्टीलचा वापर करण्यात आला आणि सैनिकांना घेऊन जाणारा हा रणगाडा पाण्यात बुडाला. त्यामुळे पीपल्स लिबरेशन आर्मीने यात भ्रष्टाचार झाल्याचा आरोप केला आहे.
#China's Next Generation Amphibious Tank, that can be converted into a submarine when needed. 😂😂😂 pic.twitter.com/BrJh5lFSDY
— IDU (@defencealerts) August 16, 2020
हिंदुस्थान-तैवानशी भिडला
लडाखमधील पूर्व भागात चीनने हिंदुस्थानशी पंगा घेतला आहे. येथे चीनने मोठ्या प्रमाणात सैन्य तैनात केले असून हिंदुस्थानला डिवचत आहे. तसेच तैवान सोबत देखील चीनचे संबंध सध्या तणावाचे आहेत. चीन तैवानला आपला भूभाग मानतो, मात्र तैवान स्वतःला स्वतंत्र देश मानतो. त्यात तैवानला अमेरिकेचा पाठिंबा असून शस्त्र, हत्यार यांची अमेरिका मदत करतो. यामुळे चीन आणि अमेरिका यांच्यात देखील तणाव असून चीनने अमेरिकेला तैवानपासून लांब राहण्याचा आणि आगीशी न खेळण्याचा इशारा देखील दिला. मात्र अमेरिकेने ही धमकी झुगारून तैवान सोबत एफ-16 विमानांचा सौदा केला. यामुळे चीनचा तिळपापड होत आहे.


























































