>> योगेश जोशी, [email protected]
आजचे पंचाग
तिथी – फाल्गुन कृष्ण प्रतिप्रदा
वार – शनिवार
नक्षत्र – उत्तरा 8.54 पर्यंत, नंतर हस्त
योग – गंड
करण – तैतिल
राशी – कन्या
मेष
मेष राशीसाठी आजचा दिवस सावध राहण्याचा आहे. आपल्या चांगल्या कामात कोणी आडकाठी करणार नाही, याची काळजी घ्यावी लागणार आहे. चंद्र षष्ठ स्थानात असल्याने हितशत्रूंचा त्रास होणार आहे. विनाकारण वादविवाद टाळण्याची गरज आहे. तसेच विनाकारण मनस्ताप ओढवून घेऊ नका. मन शांत ठेवण्याचा प्रयत्न करा. विनाकाराण प्रकृतीचा त्रास जाणवण्याची शक्यता आहे. व्यय स्थानात राहू असल्याने खर्चाकडे लक्ष देण्याची गरज आहे. एकादश स्थानात शनि असल्याने आर्थिक स्थिती चांगली राहणार आहे.
वृषभ
वृषभ राशीच्या लोकांना आजचा दिवस सकारात्मक आहे. चंद्र पंचम स्थानात असल्याने नातलगांची भेट होण्याची शक्यता आहे. जुने मित्रमैत्रिणींना भेटण्याचे योग येऊ शकतात. तसेच अनेक दिवसांपासून रखडलेली कामे मार्गी लागण्यास सुरुवात होणार आहे. एखादी शुभवार्ता मिळण्याची शक्यता आहे. घरात उत्साहाचे वातावरण राहणार आहे. सध्या परीक्षांचे दिवस असल्याने घरातील बच्चे कंपनीच्या अभ्यासाकडे विशेष लक्ष द्यावे लागणार आहे. आय स्थानात राहू असल्याने आर्थिक स्थिती चांगली राहणार आहे. प्रथम स्थानात गुरुमुळे नशिबाची चांगली साथ मिळणार आहे.
मिथुन
मिथुन राशीला आज घराकडे जास्त लक्ष द्यावे लागणार आहे. चंद्र चतुर्थ स्थानात असल्याने घरातील कामांचा व्याप वाढणार आहे. त्यामुळे चिडचीड होण्याची शक्यता आहे. दशम स्थानात राहू असल्याने कार्यक्षेत्रात सावध राहण्याची गरज आहे. कार्यस्थळी तुमचा चांगला प्रभाव वाढत असल्याने मनासारखी कामे होणार आहेत. भाग्य स्थानातील शनिमुळे अनेक चांगल्या गोष्टी जुळून येणार आहेत. मात्र, वागण्या बोलण्यात संयम ठेवल्यास घरातील वातावरण चांगले राहणार आहे.
कर्क
कर्क राशीच्या लोकांना आजचा दिवस मानसन्मानाचा आहे. कोणत्याही खरेदीत किंवा महत्त्वाच्या कामात कुटुंबियांचे सहकार्य मिळणार आहे. चंद्र तृतीय स्थानात असल्याने सामाजिक क्षेत्रातील कामे मार्गी लागण्यास सुरुवात होणार आहे. होळीनिमित्त तुमच्या राशीचा शुभकाळ सुरू झाला आहे. त्याचा चांगला फायदा करून घेण्याचा काळ आहे. विनाकारण मनावर आलेले दडपण दूर होणार आहे. भाग्य स्थानात राहू असल्याने नशिबाची चांगली साथ मिळणार आहे. मात्र,आता लवकरच शनी भाग्य स्थानात संक्रमण करणार असल्याने अडीचीमध्ये आलेल्या अडचणी कमी होणार आहेत.
सिंह
सिंह राशीच्या लोकांचा आजचा दिवस अनपेक्षित लाभाचा आहे. चंद्र द्वितीय स्थानात असल्याने धनलाभाचे योग तयार होत आहेत. त्याचा फायदा करून घेण्याची गरज आहे. गुरुच्या पाठबळामुळे अनेक रखडलेली कामे मार्गी लागण्याची शक्यता आहे. खर्च वाढत असले तरी त्याप्रमाणात आवक होणार असल्याने समाधान लाभणार आहे. आता शनीची अडीची सुरू होणार असल्याने त्याआधीच महत्त्वाची कामे पूर्ण करण्याकडे लक्ष द्यावे.
कन्या
कन्या राशीच्या लोकांचा आजचा दिवस आत्मविश्वासाने पुढे जाण्याचा आहे. चंद्र प्रथम स्थानात असल्याने खर्चावर नियंत्रण ठेवता येणार आहे. गुंतवणुकीबाबतचे निर्णय काही दिवस पुढे ढकलावे. भाग्य स्थानात गुरु असल्याने नशिबाची चांगली साथ मिळणार आहे. मात्र, कोणतेही काम पुढे ढकलू नये, नंतर त्याचा त्रास होऊ शकतो. सप्तम स्थानात राहू असल्याने व्यवसायात तोटा होणार नाही, याची काळजी घ्यावी. षष्ठ स्थानात शनीचा प्रभाव कमी होत आहे. त्याचाही फायदा होणार आहे. चंद्राच्या राशीपरिवर्तानामुळे मन प्रसन्न राहणार असल्याने आगामी काळात उत्साह वाढणार आहे.
तूळ
तूळ राशीच्या लोकांना आजचा दिवस खर्चावर नियंत्रण ठेवावे लागणार आहे. मनासारख्या घडणाऱ्या गोष्टीत अडथळा येत असल्याने नैराश्य वाढण्याची शक्यता आहे. अनावश्यक खर्च होणार नाही, याची काळजी घेण्याची गरज आहे. दशम स्थानात गुरु असल्याने अनेक कार्यक्षेत्रात सकारात्मक गोष्टी घडणार आहेत. षष्ठ स्थानात राहू असल्याने हितशत्रू डोके वर काढण्याची शक्यता आहे. मात्र, बुद्धीचातुर्याने त्यावर मात करणे शक्य होणार आहे. गुतंवणुकीचे निर्णय काहीकाळ पुढे ढकलणे योग्य ठरणार आहे. कार्यक्षेत्रात नवे प्रकल्प हाती आल्याने त्यातून चांगला फायदा होणार आहे.
वृश्चिक
वृश्चिक राशीने आजचा दिवस धनलाभाचे योग आहेत. नशीबाचीही चांगली साथ मिळणार आहे. आय स्थानात चंद्र असल्याने उत्पन्नाचे नवे स्रोत समोर येणार आहेत. तसेच मित्रपरिवाराशी भेट होण्याची शक्यता असल्याने मन प्रसन्न राहणार आहे. एखादा जवळच्या प्रवासाचा बेत केल्यास उत्साह वाढणार आहे. शनीची अडीची संपत आल्याने संकटातून मार्ग सापडणार आहेत. उधरउसनवार दिलेले पैसे परत मिळण्याची शक्यता असल्याने त्यासाठी प्रयत्न करावे लागणार आहेत.
धनु
धनु राशीच्या लोकांना आजचा दिवस नशीबाची चांगली साथ मिळणार असली तरी कामाचा व्याप वाढण्याची शक्यता आहे. चंद्र कर्मास्थानात असल्याने कामे पूर्ण करण्यासाठी जास्त महनत घ्यावी लागणार आहे. कार्यक्षेत्रात सहकाऱ्यांची चांगली साथ मिळणार आहे. नशिबाची चांगली साथ असल्याने घरातील वातावरण प्रसन्न राहणार आहे. आत्मविश्वास आणि उत्साहामुळे कठीण कामेही लवकरच पूर्ण करता येणार आहेत. चतुर्थ स्थानात राहूमुळे घरात भांडणे होणार नाहीत, याची काळजी घ्यावी लागेल.शनीची चांगली साथ मिळणार असली तरी षष्ठ स्थानातील गुरुमुळे काहीजण कामात अडचणी निर्माण होण्याची शक्यता आहे.
मकर
मकर राशीच्या लोकांनी आज प्रकृतीकडे लक्ष देण्याची गरज आहे. जुने आजार डोके वर काढण्याची शक्यता आहे. तसेच प्रदूषण आणि धुळीपासून दूर राहवे. सर्दीखोकल्याचा त्रास होण्याची शक्यता आहे. सणाचे दन दिवस उत्साहात गेल्याने तसेच कामाच्या भारामुळे थकवा जाणवण्याची शक्यता आहे. वेळेत काम केल्यास नशिबाची चांगली साथ मिळणार आहे. जुन्या कामांचे कौतुक होण्याची शक्यता आहे. जुनी गुंतवणूक फायद्याची ठरण्याची शक्यता आहे. तृतीय स्थानातील राहूमुळे भावंडाचे सहकार्य मिळण्याची शक्यता आहे. द्वितीय स्थानातील शनीमुळे चांगले आर्थिक पाठबळ मिळणार आहे. साडेसातीचा काळ संपत असल्याने नव्या योजनांकडे लक्ष देण्याची गरज आहे.
कुंभ
कुंभ राशीच्या लोकांना आजचा ताणतणाव टाळण्याची गरज आहे. चंद्र अष्टम स्थानात असल्याने तसेच प्रकृतीकडे लक्ष देण्याची गरज आहे. आजचा दिवस पथ्यपाणी सांभाळण्याची गरज आहे. गुरुही सप्तम असल्याने जोडीदाराच्या प्रकृतीकडे लक्ष देण्याची गरज आहे. तसेच भागीदारी किंवा व्यवसायातून फायदा होण्याची शक्यता आहे. दुसऱ्या स्थानात राहू असल्याने कुटुंब,सहकारी आणि मित्रांचे चांगले सहकार्य मिळण्याचे योग आहेत. तसेच संपत्तीबाबत असलेले वादविाद संपण्याची शक्यता आहे. आता साडेसातीचा अखेरचा टप्पा सुरू होणार असल्याने अनेक अडचणी कमी होणार आहेत. तसेच आधी केलेल्या चांगल्या कामांचे फळ मिळण्यास सुरुवात होणार आहे.
मीन
मीन राशीच्या लोकांना आजचा दिवस ठरवलेल्या कामांमध्ये सहाकाऱ्यांची चांगली साथ मिळणार आहे. मनावर संयम ठेवल्यास वादविवाद टाळणे शक्य आहे. सप्तम स्थानात चंद्र असल्याने व्यवसायवाढीचे योग आहेत. हितशत्रूंच्या कारवाया त्यांच्यावर उलटण्याची शक्यता आहे. तसेच व्यवसायातील संकटांवर मार्ग सापडणार आहेत. प्रथम स्थानात राहू असल्याने मनावरील दडपण दूर करत सकारात्मक विचार ठेवण्याची गरज आहे. आर्थिक दृष्टीनेही आजचा दिवस चांगला जाणार आहे. मात्र, गुंतवणुकीबाबतचे महत्त्वाचे निर्णय पुढे ढकलण्याची गरज आहे. आता लवकरच साडेसातीचा दुसरा टप्पा सुरू होणार असल्याने सावध राहून कोणतेही व्यवहार करण्याची गरज आहे.
