सोने तस्करी करणाऱ्या तीन इराणी नागरिकांना महसूल गुप्तवार्ता संचालनालयाने (डीआरआय) अटक केली. त्यांच्याकडून 6.28 कोटी रुपयांचे सोने जप्त करण्यात आले. काही जण परदेशातून सोने घेऊन छत्रपती शिवाजी महाराज आंतरराष्ट्रीय विमानतळावर येणार असल्याची माहिती डीआरआयला मिळाली. त्या माहितीची सत्यता पडताळली. डीआरआर यांच्या पथकाने त्या तीन इराणी नागरिकांना ताब्यात घेतले. दोघांनी परिधान केलेल्या कपडय़ांमध्ये सात किलो सोने लपवले होते. त्या तिघांना डीआरआयने ताब्यात घेतले. त्यांच्याकडून 7.143 विलो सोने जप्त केले. जप्त केलेल्या सोन्याची किंमत सुमारे 6.28 कोटी रुपये इतकी आहे. सोने तस्करीप्रकरणी त्या तिघांचा जबाब नोंद करून त्यांना अटक केली.
