पुणे शहरातील नामांकित रुग्णालयात कामाला असलेल्या एका परिचारिकेचा मृतदेह प्रियकराच्या खोलीत आढळून आला आहे, तर प्रियकराने धावत्या रेल्वेसमोर उडी मारून आत्महत्या केल्याची धक्कादायक घटना घडली आहे. दोन्ही घटनेमुळे खळबळ उडाली असून, खून करून प्रियकराने आत्महत्या केली का, यादृष्टीने पोलीस तपास करीत आहेत. दिव्या निघोटे असे मृतदेह आढळून आलेल्या तरुणीचे नाव आहे, तर गणेश शाहूराव काळे असे तरुणाचे नाव आहे.
