महाराष्ट्र राज्य माध्यमिक व उच्च माध्यमिक शिक्षण मंडळाने फेब्रुवारी-मार्चमध्ये घेतलेल्या बारावीच्या परीक्षेचा निकाल जाहीर सोमवारी करण्यात आला आहे. राज्याचा बारावीचा निकाल यंदा 91.88 टक्के लागला आहे. यंदाही बारावीच्या निकालात कोकण विभाग अव्वल राहिला, तर लातूर विभागाचा खालून पहिला नंबर लागला आहे.
ऑनलाईन निकाल जाहीर करण्यापूर्वी शिक्षण विभागाने पत्रकार परिषद आयोजित केली होती. ज्यात शिक्षण मंडळाकडून बारावीचा निकाल जाहीर करण्यात आला. बोर्डाने दिलेल्या माहितीनुसार विद्यार्थ्यांना mahresult.nic.in सह अन्य अधिकृत वेबसाईट्सवर दुपारी एक वाजल्यापासून निकाल पाहता येणार आहे.
कोकण अव्वल, लातूर खालून पहिले
कोकण – 96.74 टक्के
कोल्हापूर – 93.64 टक्के
मुंबई – 92.93टक्के
संभाजीनगर – 92.24टक्के
अमरावती – 91.43 टक्के
पुणे – 91.32 टक्के
नाशिक – 91.31 टक्के
नागपूर – 90.52 टक्के
लातूर – 89.46 टक्के
मुलींनी मारली बाजी
यंदाही बारावीच्या परीक्षेमध्ये मुलींनी बाजी मारली आहे. मुलींचा निकाल 94.58 टक्के, तर मुलांचा निकाल 89.51 टक्के लागला आहे. तसेच यंदा 1929 महाविद्यालयांचा निकाल 100 लागला आहे, तर 38 महाविद्यालयांचा निकाल शून्य टक्के लागला आहे. मात्र यंदा बारावीच्या निकालात घट झाली असून मागील वर्षीच्या तुलनेमध्ये यंदाचा निकाल 1.49 टक्क्यांनी कमी झाला आहे. गेल्या वर्षी बारावीचा निकाल 93.37 टक्के इतका लागला होता.
महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, संभाजीनगर, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळामार्फत फेब्रुवारी-मार्च 2025 मध्ये घेण्यात आलेल्या उच्च माध्यमिक प्रमाणपत्र (इ. 12 वी) परीक्षेचा निकाल खालील संकेतस्तळावर दुपारी 1 वाजता ऑनलाईन पाहता येणार आहे. तर मंगळवारपासून महाविद्यालयांमध्ये प्रमाणपत्र मिळेल.
- https://results.digilocker.gov.in
- https://mahahsscboard.in
- http://hscresult.mkcl.org
- https://results.targetpublications.org
- https://results.navneet.com
