बकरी ईदचा सण जवळ आला आहे. त्यातच उत्तर प्रदेशचे मंत्री राजेश्वर सिंह यांनी केलेल्या एका विधानाने वाद निर्माण झाला असून राजकीय वातावरण तापले आहे. मंत्री राजेश्वर सिंह यांनी इशारा देत म्हटले की बकरी ईद येत आहे. या काळात आम्ही मुस्लिमांना गायींची कत्तल करू देणार नाही. जर बंदी असलेल्या प्राण्यांची कत्तल केली तर मुस्लिमांचीही कत्तल केली जाईल आणि कुशीनगरमध्ये रक्ताचे पाट वाहतील, त्यांच्या या वादग्रस्त वक्तव्य आणि त्यांनी दिलेल्या इशाऱ्यांचे राजकीय परिणाम दिसू लागले आहेत.
कुशीनगर जिल्ह्यात बोलताना ते म्हणाले की, मुख्यमंत्री योगी यांच्या वाढदिवसानिमित्त आपण सर्वांनी प्रतिज्ञा करावी की बंदी असलेल्या कोणत्याही प्राण्याची कत्तल करू देऊ नये. बंदी असलेला प्राणी म्हणजे – गाय… आणि आपल्याला गायीचे रक्षण करावे लागेल. आम्ही गाय, वासरू, उंट इत्यादी कोणत्याही मोठ्या प्राण्याची कत्तल करू देणार नाही. मंत्री राजेश्वर सिंह यांनी इशारा देत म्हटले की बकरी ईद येत आहे. या काळात आम्ही मुस्लिमांना गायींची कत्तल करू देणार नाही. जर बंदी घातलेल्या प्राण्यांची कत्तल केली तर मुस्लिमांचीही कत्तल केली जाईल आणि कुशीनगरमध्ये रक्त वाहेल.
बकरी ईदला बकऱ्याची कुर्बानी दिली जाते. मात्र, कोणत्याही परिस्थितीत बंदी घातलेल्या प्राण्याची कुर्बानी केली जाणार नाही. तथापि, पोलिस-प्रशासन देखील याबद्दल सतर्क आहे. पोलिसांनी स्पष्ट केले आहे की सार्वजनिक ठिकाणी कुर्बानी देऊ नये आणि बंदी घातलेल्या प्राण्यांची कत्तल करू नये. नियमांविरुद्ध काम करणाऱ्यांवर कठोर कारवाई केली जाईल.
