राष्ट्रवादी काँग्रेसचे (अजित पवार गट) नेते नवाब मलिक यांच्या विरोधात आयआरएस अधिकारी समीर वानखेडे यांनी नोंदवलेल्या गुह्याचा तपास चार आठवडयात पूर्ण करु, अशी हमी मुंबई पोलिसांनी गुरुवारी उच्च न्यायालयात दिली.
सरकारी अधिकाऱ्याबाबत चुकीची माहिती देणे व मागास वर्गीयाची नाहक बदनामी करणे, असे आरोपही मलिक यांच्यावर ठेवण्यात आले आहेत, अशी माहिती पोलिसांनी न्या. रेवती मोहिते-डेरे व न्या. शिवकुमार डिगे यांच्या खंडपीठाला दिली. हा तपास योग्य प्रकारे करा, असे पोलिसांना सांगत न्यायालयाने ही सुनावणी 16 जानेवारी 2025 पर्यंत तहकूब केली.
