जम्मू कश्मीरच्या अवंतीपोरा भागात रविवारी सुरक्षा दलांमध्ये आणि दहशतवाद्यांमध्ये झालेल्या चकमकीत एका दहशतवाद्याचा खात्मा करण्यात आला आहे. अजूनही या भागात दहशतवादी लपून बसले असण्याची शक्यता आहे.
ही चकमक बारगाम परिसरात रविवारी सकाळी झाली. कश्मीरचे पोलीस महासंचालक विजय कुमार यांनी दिलेल्या माहितीनुसार, बडगाम-बारगाम-अवंतीपोरा या परिसरांमध्ये चकमक सुरू झाली होती. यात एका दहशतवाद्याला ठार करण्यात आलं असून अद्यापही ही मोहीम सुरू आहे.
अवंतीपोरा हा भाग कश्मीरच्या दक्षिणेला येतो. या भागात दहशतवादी लपून बसले असल्याची माहिती सुरक्षादलांना मिळाली होती. सुरक्षा दलांनी शोधमोहीम राबवून परिसराला वेढा घातला. तेव्हा ही चकमक झडली. ठार झालेल्या दहशतवाद्याची ओळख अद्याप पटली नसून त्याचा शोध सुरू आहे.
