खराब हवामान आणि पावसाची शक्यता लक्षात घेता काझीरंगा राष्ट्रीय उद्यानातील जीप सफारी येत्या 19 मेपासून बंद करण्याचा निर्णय घेण्यात आला आहे. मुख्यमंत्री कार्यालयातून ही माहिती देण्यात आली. ईशान्येकडील काझीरंगा राष्ट्रीय उद्यान हे सर्वात मोठे वन्यजीव संरक्षित क्षेत्र असून देश-विदेशातील पर्यटकांचे प्रमुख आकर्षण आहे. तिथल्या एकशिंगी गेंड्यासाठी ते जगभरात प्रसिद्ध आहे. अनेक पर्यटक काझीरंगाला भेट देतात. 1974 साली काझीरंगाला राष्ट्रीय उद्यान म्हणून घोषित करण्यात आले. युनेस्कोच्या जागतिक वारसा यादीत त्याचा समावेश झाला. एकशिंगी गेंड्याव्यतिरिक्त वाघ, सिंह, हत्ती, अस्वल अशा विविध प्राण्यांच्या तसेच पक्ष्यांच्या प्रजाती काझीरंगात दिसून येतात.
