बुधवारी असिमानंद यांची समझोता एक्सप्रेस बॉम्बस्फोट प्रकरणी पंचकुलाच्या विशेष न्यायालयाने निर्दोष सुटका केली.
नब कुमार सरकार हे स्वामी असिमानंद यांचे मुळ नाव असून पश्चिम बंगालच्या हुगळी जिल्ह्यात त्यांचा जन्म झाला आहे.
1971 साली विज्ञान शाखेतून पदवी मिळवून नंतर त्यांनी संन्यस्त जीवन अंगीकारले.
सुरुवातीपासूनच असिमानंद यांना जतीन चटर्जी, ओंकारनाथ या टोपण नावाने ओळखले जायचे. त्यांनी आदिवासी-वनवासी क्षेत्रात सेवा केली आहे.
स्वामी असिमानंद यांचे नाव 2007 मध्ये हिंदुस्थानात झालेल्या तीन वेगवेगळ्या बॉम्बस्फोटांशी जोडण्यात आले होते
18 मे 2007 रोजी हैदराबाद येथील मक्का मशीदीतील स्फोटात 9 जणांचा मृत्यू झाला होता. तर ऑक्टोबर 2007 मध्ये अजमेर येथील चिस्ती दर्ग्यातील बॉम्बस्फोटात 3 जण ठार झाले होते.
हिंदुस्थानात-पाकिस्तान दरम्यान धावणाऱ्या समझोता एक्सप्रेसमध्ये 17 फेब्रुवारी 2007मध्ये झालेल्या बॉम्बस्फोटामध्ये 68 लोकांचा मृत्यू झाला होता.
असिमानंद यांची सर्व आरोपातून त्यांची निर्दोष मुक्तता करण्यात आली आहे, त्यांच्या विरोधात कुठलेच पुरावे सापडले नाहीत.
