स्वत:च्या लग्नाची पत्रिका देण्यासाठी जाणार्या तरुणाला हळद लागण्यापूर्वीच मृत्यूने गाठले. लोहारा रस्त्यावर बुधवारी दुचाकीला कारने धडक दिल्याने झालेल्या भीषण अपघातात दोघा चुलत भावांचा मृत्यू झाला.
उदगीर तालुक्यातील अनुपवाडी येथील विशाल भिवा निलेवाड (22) याचे 18 एप्रिलला लग्न ठरले होते. लग्न पत्रिका देण्यासाठी बुधवारी विशाल आपला चुलतभाऊ आकाशा धोंडीबा निलेवाड (23) याच्यासह करडखेलला निघाला होता. दुपारी 12.45 वाजता लोहारा रस्त्यावर दूध डेअरीजवळ धनमाळ येथे विशालच्या पल्सरला कारने जोरदार धडक दिली. या अपघातात विशाल आणि आकाश या भावंडांचा दुर्दैवी मृत्यू झाला.
