दरवर्षीप्रमाणे यंदाही दिंडोशी विधानसभा मतदारसंघातर्फे गणेशभक्तांसाठी लक्झरी बस सोडण्यात आल्या. कोकणवासीयांसाठी शिवसेनेकडून सवलतीच्या दरात ही सेवा उपलब्ध करून देण्यात आली.
रेल्वेचे न मिळणारे आरक्षण आणि खासगी बसेसचे गगनाला भिडलेले भाव यामुळे सर्वसामान्य चाकरमान्यांना गावी जाणे अनेकदा अशक्य होते. त्यामुळे शिवसेना नेते, आमदार सुनील प्रभू यांनी शिवसेनेच्या वतीने दिंडोशी विधानसभा मतदारसंघात दरवर्षीप्रमाणे यंदाही चाकरमान्यांसाठी लक्झरी बस उपलब्ध करून दिल्या. गणेश भक्तांना गणपती पूजा साहित्यही देण्यात आले. अल्पोपहार डबा आणि पिण्याच्या पाण्याच्या बाटल्या देण्यात आल्या.
या वेळी युवासेना कार्यकारणी सदस्य अंकित प्रभू यांच्यासह विधानसभा संघटक रिना सुर्वे, उपविभाग प्रमुख सुनील गुजर, उपविभाग संघटक रुचिता आरोसकर, उपविभाग संघटक कृष्णा सुर्वे, शाखा प्रमुख अशोक राणे, युवासेना विभाग अधिकारी प्रशांत मानकर आणि इतर पदाधिकारी उपस्थित होते. या उपक्रमासाठी सुशांत पांचाळ आणि सुशांत पावसकर यांनी पुढाकार घेऊन नियोजन केले.
तीन दिवसात दहा बसचे प्रस्थान
गेल्या तीन दिवसांत रत्नागिरी आणि सिंधुदुर्ग जिल्ह्यातील विविध ठिकाणांसाठी दहा बस सोडण्यात आल्या. मालाड पूर्व रहेजा वसाहत येथून कोकणात जाणाऱ्या बसेसना हिरवा झेंडा दाखवण्यात आला. गणपती बाप्पा मोरयाचा गरज करत चाकरमान्यांच्या बसगाड्या गणेशोत्सवासाठी निघाल्या.
