मुंबईतील दहिसर परिसरात एक खळबळजनक घटना समोर आली आहे. घटनपाडा परिसरातील मोकळ्या मैदानात एक 12 वर्षाचा मुलगा खेळत असताना त्याला कचऱ्यात बंदूक सापडली. खेळण्यातील बंदूक समजून ट्रिगर दाबला असता त्याच्याकडून चुकून एक राऊंड फायर होत हवेत गोळीबार झाला. सुदैवाने यात कुणालाही इजा झाली नाही.
घटनेची माहिती मिळताच दहिसर पोलिसांनी तात्काळ घटनास्थळी धाव घेत बंदूक आणि चार राऊंड पंचनामा करत ताब्यात घेतले. याप्रकरणी अज्ञात व्यक्तीविरोधात गुन्हा दाखल करण्यात आला आहे. आरोपीचा शोध घेण्यासाठी पोलीस सखोल तपास करीत आहेत.
