राष्ट्रवादी काँग्रेस शरदचंद्र पवार पक्षाच्या विद्यमान खासदार आणि कार्यकारी अध्यक्ष सुप्रिया सुळे यांचा फोन हॅक झाला आहे. सुप्रिया सुळे यांनी स्वत: ट्विट करत ही माहिती दिली आहे. त्यामुळे महाराष्ट्राच्या राजकारणात खळबळ उडाली आहे.
हे वाचा – “अजित पवारांना माझं आव्हान आहे, 17 तारखेला परत येतेय; हिंमत असेल तर…”, अंजली दमानिया यांचा इशारा
रविवारी दुपारी एकच्या सुमारास सुप्रिया सुळे यांनी आपल्या अधिकृत एक्स (ट्विटर) अकाऊंटवरून अत्यंत महत्त्वाचे असे म्हणत फोन हॅक झाल्याची माहिती दिली. ‘माझा फोन आणि व्हॉटस्अप हॅक झाले आहे. कोणीही मला मेसेज किंवा फोन करून नये. याबाबत मी पोलीस तक्रार करत आहे. कृपया याची नोंद घ्यावी’, असे ट्विट सुप्रिया सुळे यांनी केले आहे.
*** अत्यंत महत्वाचे ***
माझा फोन आणि व्हॉटस्अप हॅक झाले आहे. कोणीही मला मेसेज किंवा फोन करून नये. याबाबत मी पोलीस तक्रार करत आहे. कृपया याची नोंद घ्यावी. – सुप्रिया सुळे— Supriya Sule (@supriya_sule) August 11, 2024
