बी.जे वैद्यकीय महाविद्यालय व ससून रुग्णालयाच्या भूलशास्त्र विभागाचे विभागप्रमुख आणि वरिष्ठ डॉक्टरांकडून सातत्याने मानसिक त्रास दिला जात असून या त्रासामुळे माझ्यामध्ये नैराश्याची भावना निर्माण झाली आहे. त्यामुळे मला दिला जाणारा त्रास बंद व्हावा, अशी मागणी महिला निवासी डॉ. प्रियंका राख यांनी पत्रकार परिषदेत केली.
डॉ. प्रियंका राख या बी.जे वैद्यकीय महाविद्यालयाच्या भूलशास्त्र विभागात दुसऱया वर्षात शिक्षण घेत आहेत. मात्र, संबंधित विभागाचे विभागप्रमुख आणि वरिष्ठ डॉक्टरांकडून मानसिकरीत्या आजारी असल्याचा वारंवार उल्लेख करत मला त्रास दिला जात असल्याचा आरोप त्यांनी केला आहे. डॉ. प्रियंका राख म्हणाल्या, मला शिक्षण सोडण्याचा सल्ला दिला जात आहे, रुग्णांवर उपचार करण्यापासून रोखले जत आहे. वरिष्ठांकडून अशा पद्धतीने मानसिक त्रास होत असल्याने दरवर्षी काही विद्यार्थी शिक्षण सोडून जात आहेत. त्यामुळे का@लेजचे नाव बदनाम होत आहे. मी मानसिक आजारी असल्याचे त्यांचे म्हणणे आहे. मात्र, ससूनमधील मानसोपचार विभागाने मला मानसिक आजार नसल्याचे प्रमाणपत्र दिले आहे. तरीही मला ‘पोस्ट-ट्रॉमॅटिक स्ट्रेस डिसऑर्डर’ने ग्रस्त असल्याचे बोलले जात आहे. त्यामुळे माझे मानसिक संतुलन ढासळत असल्याचे डॉ. राख यांनी सांगितले.
सर्व आरोप खोटे व चुकीचे
संबंधित महिला निवासी डॉक्टरला कोणीही त्रास दिलेला नाही. त्यांना आतापर्यंत संबंधित विभागातील डॉक्टरांनी सांभाळून घेतले आहे. त्यांच्याकडून सगळ्यांना वेटीस धरले जात आहे. त्यांनी जे आरोप केले आहेत ते खोटे व चुकीचे आहेत. त्यांनी आतापर्यंत केलेल्या तक्रारींवर रूग्णालयाने समिती नेमून चौकशी करण्यात आली असल्याचे ससूनमधील एका अधिकाऱयाकडून सांगण्यात आले.
