पुण्यात पुन्हा कोयता गँग सक्रीय झाली असून बुधवारी दुपारी भररस्त्यात तरुणावर हल्ला करण्यात आला. हल्ल्याची घटना सीसीटीव्ही कॅमेऱ्यात कैद झाली आहे. दत्तवाडी परिसरात दुपारी दोनच्या सुमारास ही घटना घडली. या घटनेचा व्हिडिओ सोशल मीडियावर व्हायरल झाला आहे. पुणे पोलीस प्रकरणाचा तपास करीत आहे.
दोन ते तीन जणांच्या टोळीने एका तरुणाचा पाठलाग करत त्याच्यावर कोयत्याने हल्ला केला. या हल्ल्यात तरुण गंभीर जखमी झाला असून सध्या त्याच्यावर रुग्णालयात उपचार सुरू आहेत. या घटनेमुळे परिसरात दहशतीचे वातावरण पसरले आहे. याप्रकरणी दत्तवाडी पोलिसात नोंद करण्यात आली असून, पोलीस आरोपींचा शोध घेत आहेत.
