
येत्या 23 ते 28 फेब्रुवारी दरम्यान या कालावधीत रायगड किल्ल्यावर येणाऱ्या पर्यटकांनी रोप-वे सेवेचा वापर न करण्याचे आवाहन प्रशासनाच्या माध्यमातून करण्यात आले आहे.
रायगड किल्ल्यावर जाणाऱ्या रोप-वेच्या तांत्रिक देखभाल व आवश्यक दुरुस्तीची कामे येत्या 23 ते 28 फेब्रुवारी दरम्यान होणार आहे. त्यामुळे या कालावधीत रोप वेची सेवा सात दिवस पूर्णतः बंद ठेवण्यात येणार आहे. दरवर्षी रोप-वेची तांत्रिक तपासणी, देखभाल तसेच आवश्यक दुरुस्तीची कामे केली जातात. यंदाही ही दुरुस्ती केली जाणार आहे. त्यामुळे या कालावधीत रायगड किल्ल्यावर येणाऱ्या पर्यटकांनी रोप-वे सेवेचा वापर न करण्याचे आवाहन प्रशासनाच्या माध्यमातून करण्यात आले आहे.





























































