भुसावळकडून नंदुरबारकडे जाणाऱ्या रेल्वे मार्गावरील एक मालगाडी अमळनेर शहरातील प्रताप महाविद्यालयाजवळ रुळावरून घसरली. ही घटना गुरुवारी घडली. या दुर्घटनेत सुदैवाने कुणालाही दुखापत झालेली नाही. भुसावळ कडून नंदुरबारकडे जाणारी मालगाडी रुळावरून घसरली. रेल्वेचे लोको पायलट आणि गार्ड पूर्णपणे सुरक्षित आहेत. मात्र मालगाडीचे काही डबे रुळावरून खाली उतरल्याने आजूबाजूचे रेल्वे ट्रकही खराब झाले आहेत. यामुळे सुरत-भुसावळ या महत्त्वाच्या रेल्वे मार्गावरील वाहतूक तत्काळ थांबवण्यात आली आहे. यामुळे या मार्गावरून प्रवास करणाऱ्या रेल्वे प्रवाशांना मोठा त्रास सहन करावा लागणार आहे. अमळनेर रेल्वे स्टेशनपासून काही अंतरावरच ही घटना घडल्यामुळे रेल्वे प्रशासनातील अधिकाऱ्यांनी तातडीने घटनास्थळी धाव घेतली.
