रत्नागिरी जिल्ह्यात पुढील दोन दिवस 13 आणि 14 जू रोजी हवामान विभागाकडून रेड अलर्ट जारी करण्यात आला आहे. या कालावधीत काही ठिकाणी मुसळधार ते अतिमुसळधार आणि वीजांच्या कडकडाटासह पाऊस व वादळी वारे वाहण्याची शक्यता वर्तविण्यात आली आहे. तर त्यानंतर पुढील दोन दिवस 15 आणि 16 जून रोजी जिल्ह्यासाठी ऑरेंज अलर्ट देण्यात आहे. या कालावधीत जिल्ह्यात मुसळधार ते अतिमुसळधार पावसाची शक्यता वर्तविण्यात आलेली आहे.
काही ठिकाणी मुसळधार ते अतिमुसळधार पाऊस पडण्याची शक्यता आहे. हवामान विभागाकडून दिलेल्या इशाऱ्‍याच्या पार्श्वभूमीवर नागरिकांनी आपल्या जीवित व मालमत्तेची काळजी घ्यावी, असे आवाहन जिल्हा प्रशासनाकडून करण्यात आले आहे.
कुठल्याही अफवांवर विश्वास ठेवू नका आणि अफवा पसरवू नका. कुठल्याही मिळालेल्या बातमीची खात्री अधिकृत सूत्रांकडून करून घ्या किंवा जिल्हा नियंत्रण कक्ष (02352) 222233 / 226248 किंवा पोलीस हेल्पलाईन क्रमांक 112 वर संपर्क करा, असेही प्रशासनाने नमूद केले आहे.
विजा चमकत असताना विद्युत उपकरणे बंद ठेवावीत. दूरध्वनी, भ्रमणध्वनीचा वापर टाळावा. वीज चमकत असताना नागरिकांनी घराबाहेर पडू नये. घराबाहेर असल्यास सुरक्षित ठिकाणी आश्रय घ्यावा. विजेच्या खांबांपासून लांब रहावे. वीज चमकत असताना उंच झाडाखाली आश्रयास थांबू नये. वीज पडण्याची पूर्वसूचना मिळण्याकरीता आपल्या मोबाईल वर ‘दामिनी ॲप’ डाऊनलोड करून घ्यावे.
मुसळधार पावसात आवश्यकता नसल्यास घराबाहेर पडणे टाळा. घराबाहेर अथवा असुरक्षित ठिकाणी असल्यास पाऊस थांबेपर्यंत सुरक्षित ठिकाणी आसरा घ्या. अतिमुसळधार व अतिवृष्टीच्या परिस्थितीत सुरक्षित ठिकाणी रहा व पायी अथवा वाहनाने प्रवास करु नका. घराबाहेर पडणे अत्यावश्यक असल्यास निघण्यापूर्वी अधिकृत स्त्रोतांकडून हवामानाची, रेल्वेची व रस्ते वाहतुकीची व पाणी तुंबलेल्या ठिकाणांची माहिती करुन घ्या. पाऊस पडत असताना वीजा चमकत असल्यास झाडाखाली उभे राहू नका. मोबाईलवर संभाषण करु नये. इलेक्ट्रिक वस्तूपासून दूर रहावे. अशा परिस्थितीत पक्के घर किंवा इमारतीचा आसरा घ्यावा.
आपत्कालीन परिस्थितीमध्ये मदतीसाठी खालील क्रमांकावर संपर्क साधावा
जिल्हा आपती व्यवस्थापन नियंत्रण कक्ष, जिल्हाधिकारी कार्यालय, रत्नागिरी 02352- 226248 /222233
जिल्हा पोलीस नियंत्रण कक्ष 02352-222222. पोलीस टोल फ्री हेल्पलाईन 112
जिल्हा रुग्णालय 02352-222363
महावितरण, रत्नागिरी नियंत्रण कक्ष 7875765018
तहसिल कार्यालय रत्नागिरी 02352-223127
तहसिल कार्यालय लांजा 02351-230024
तहसिल कार्यालय राजापूर 02353-222027
तहसिल कार्यालय संगमेश्वर 02354-260024
तहसिल कार्यालय चिपळूण 02355-252044/9673252044
तहसिल कार्यालय खेड 02356- 263031
तहसिल कार्यालय दापोली 02358-282036
तहसिल कार्यालय गुहागर 02359-240237
तहसिल कार्यालय मंडणगड 02350-225236
