ठाणे येथील नौपाडा परिसरात एका इमारतीच्या गच्चीवर आग लागली आहे. ही इमारत बांधकामप्रवण इमारत आहे. अग्निशमन दल घटनास्थळी पोहोचलं असून आगीवर नियंत्रण मिळवण्याचे प्रयत्न सुरू आहेत. या आगीमुळे इमारतीच्या गच्चीवरून धुराचे लोळ उठताना दिसत आहेत.
Thane: Fire breaks out at the terrace of an under-construction building in Naupada. Fire tenders present at the spot. More details awaited. #Maharashtra pic.twitter.com/JqCPxNwWyG
— ANI (@ANI) February 28, 2020
काही दिवसांपूर्वी डोंबिवली एमआयडीसी ‘फेस 2’मधील मेट्रो पोलिटीन या केमिकल कंपनीच्या गोदामाला भीषण आग लागली होती. आगीमुळे केमिकल ड्रमचे स्फोट झाले होते. या स्फोटाच्या आवाजामुळे बाजूच्या स्टार कॉलनी परिसरातील लोक घाबरून सामानासह रस्त्यावर उतरले होते. तसेच औद्योगिक भागातील काही शाळा बंद करून मुलांना घरी पाठवण्यात आलं होतं.
काही काळापूर्वी मुंबई येथील माझगाव येथे असलेल्या जीएसटी भवन या इमारतीच्या आठव्या मजल्यावर भीषण आग लागली होती. या इमारतीच्या नवव्या मजल्यावर भडका उडालेल्या आगीने आठव्या आणि दहाव्या मजल्यालाही वेढल्याने या ठिकाणच्या साहित्याचा कोळसा झाला. सुमारे तीन तासांनंतर आगीवर नियंत्रण मिळवण्यात अग्निशमन दलाला यश आले. सुदैवाने या आगीत कोणतीही जीवितहानी झाली नाही.
