वरळीतील हाजी अली येथील लोटस जेट्टीजवळील कोस्टल रोडवर मासेमारी बोट नांगरून ठेवली होती. याबाबत दैनिक ‘सामना’मध्ये बातमी प्रसिद्ध झाली होती. शिवसेना नेते, युवासेना प्रमुख–आमदार आदित्य ठाकरे यांच्या सूचनेनुसार युवासेना उपविभाग अधिकारी अभिजीत पाटील यांनी वाहतूक विभागाचे वरिष्ठ पोलीस निरीक्षक सुहास शिंगरे, महापालिका जी–दक्षिण विभागाचे कनिष्ठ अभियंता श्रीधर वागराळकर यांच्या ही बाब निदर्शनाला आणून दिली. त्यांनी तत्काळ वाहतुकीला अडथळा ठरणाऱ्या बोटीवर कारवाई करून रस्ता मोकळा करून दिला.
