
येत्या लोकसभा निवडणुकीसाठी प्रत्येक मतदारसंघात दिव्यांग कर्मचारी नियंत्रित मतदान केंद्रे असणार आहेत. राज्यभरात एकूण 254 मतदान केंद्रांचे नियंत्रण दिव्यांग कर्मचारी करणार आहेत. केंद्रीय निवडणूक आयोगाने प्रत्येक मतदारसंघात दिव्यांगांसाठी मतदान केंद्रे असावीत यावर भर दिला आहे.
रत्नागिरी जिह्यात सर्वात जास्त म्हणजे एकूण 30 मतदान केंद्रांचे नियंत्रण दिव्यांग कर्मचारी करणार आहेत. जळगावमध्ये 22, पुण्यामध्ये 21, ठाण्यामध्ये 18 आणि नाशिकमध्ये 15 दिव्यांग कर्मचारी नियंत्रित मतदान केंद्र असणार आहेत. अकोला, कोल्हापूर, लातूर, पालघर, परभणी, रायगड अशा सहा जिह्यांत प्रत्येकी एक दिव्यांग कर्मचारी नियंत्रित मतदान केंद्र असणार आहे. गडचिरोली, सिंधुदुर्ग आणि वाशीम या जिह्यात दिव्यांग कर्मचारी नियंत्रित मतदान
केंद्र नसेल.



























































