प्रभादेवी येथील सिद्धीविनायक मंदिराजवळ असलेल्या ओंकार इमारतीचे दोन मजले कोसळल्याची घटना आज सकाळी 11. 30 वाजताच्या सुमारास घडली. सुदैवाने यात कोणतीही जीवितहानी झाली नाही.
जयप्रभा व ओंकार या दोन इमारती तळमजल्यासह तीन मजली इमारती एकमेकांना लागून आहेत. या दोन्ही इमारती जुन्या आहेत. गेले 2 दिवस सुरू असलेल्या मुसळधार पावसामुळे या ओंकार इमारतीतील दुसऱ्या व तिसऱ्या मजल्यावरील भाग कोसळला. यावेळी घरात लोक राहत होती. घटना घडताच रहिवाशांनी इमारती खाली धाव घेतली. घटनेची माहिती मिळताच अग्निशमन दल व पालिका अधिकारी घटनास्थळी दाखल झाले. दोन्ही इमारतींचा पुर्नवसनाचा वाद असल्याची माहिती स्थानिकांनी दिली. इमारत 40 वर्ष जूनी असुन पुढील धोका पाहता पालिकेने इमारत खाली करण्याचे आदेश दिले आहेत.
