हिंदुस्थानी आणि पाकिस्तान यांच्यात शस्त्रसंधी झाली आहे. मात्र अजूनही पाकड्यांच्या नापाक कारवाया सुरुच आहेत. आता पाकिस्तानी गुप्तचर यंत्रणा (PIO) हिंदुस्थानी व्हॉट्सअॅप नंबरचा गैरवापर करून लोकांना दिशाभूल करत आहेत. मिळालेल्या माहितीनुसार, पाकिस्तानी गुप्तचर यंत्रणा (PIO) हिंदुस्थानी संरक्षण अधिकारी असल्याचे भासवून पत्रकार आणि नागरिकांना फोन करण्यासाठी 7340921702 या हिंदुस्थानी व्हॉट्सअॅप नंबरचा वापर करत आहेत.
ऑपरेशन सिंदूर सुरु असताना सद्य परिस्थितीबद्दल माहिती गोळा करण्यासाठी गुप्तचर यंत्रणा हिंदुस्थानी पत्रकारांना आणि नागरिकांना फोन करत आहे. यामुळे हिंदुस्थानी नागरिकांना आणि पत्रकारांना अशी कोणतीही माहिती शेअर करू नका, असं आवाहन केंद्र सरकारकडून करण्यात आलं आहे.
