आपल्या स्वयंपाकघरात मायक्रोवेव्ह हा खूप गरजेचा झालेला आहे. मायक्रोवेव्हच्या मदतीने आपण बेकिंग, ग्रिलिंग आणि इतर अनेक गोष्टी करत असतो. तसेच बऱ्याचदा मायक्रोवेव्हमध्ये अन्न गरम केले जाते. मायक्रोवेव्ह वापरण्यास खूप सोपे आहे. मायक्रोवेव्हच्या मदतीने तुम्ही घरी बाजारासारखा केक बनवू शकता. मायक्रोवेव्हचा अधिक चांगल्या प्रकारे वापर करून तुम्ही तुमची मेहनत आणि वेळ वाचवू शकता. असे अनेक उत्तम मार्ग आहेत. मायक्रोवेव्ह वापरता येईल अशा काही खास कामांबद्दल या लेखात जाणून घेऊया.
मायक्रोवेव्ह फक्त एकच नाही तर छोटी कामे करण्यासाठी सुद्धा उपयुक्त आहे.
मायक्रोवेव्हमध्ये फक्त अन्न गरम करता येत नाही तर बटाटेही उकडता येतात. बटाटे एका भांड्यात ठेवा आणि मायक्रोवेव्हमध्ये ठेवा, चार मिनिटे वेळ सेट करा. आपण सहसा बटाटे शिजवण्यासाठी कुकर वापरतो, मात्र यावेळी बटाटा मायक्रोवेव्हमध्ये उकडवण्याचा प्रयत्न करा.
मायक्रोवेव्हमध्ये सुकामेवा किंवा सीड्स भाजण्यासाठी मायक्रोवेव्ह देखील वापरू शकता. यासाठी तुम्हाला 30 सेकंदांचा टायमर सेट करावा लागेल.
रात्रभर फ्रीजमध्ये ठेवलेलं पीठ घट्ट वाटत असेल, तर तीस सेकंदांसाठी टायमर सेट करा आणि पीठ मायक्रोवेव्हमध्ये ठेवा. यामुळे पीठ पूर्णपणे मऊ होइल.
Muffins- आता मफिन्स करा घरच्या घरी! बच्चेकंपनीसाठी घरी मफिन्स बनवताना काही महत्त्वाच्या टिप्स
लिंबू आणि संत्री सारखी काही लिंबूवर्गीय फळे थंड असताना त्यांचा रस काढणे कठीण असते. अशा परिस्थितीत, त्यांना 30 सेकंद मायक्रोवेव्हमध्ये ठेवा. यामुळे ते गरम होतील आणि त्यांचा रस अधिक सहजपणे काढता येईल.
लसूण सोलणे खूप त्रासदायक होते. मात्र तुम्ही लसूण मायक्रोवेव्हमध्ये 30 सेकंद ठेवले आणि नंतर ते बाहेर काढून सोलले तर त्याची साल अगदी सहजपणे निघून जाते.
फ्रीजमध्ये ठेवलेले ब्रेड कडक झाला असेल किंवा शिळा झाला असेल तर त्या ब्रेडवर थोडे पाणी शिंपडा आणि नंतर ते फक्त 15 सेकंद मायक्रोवेव्हमध्ये ठेवा. मग पहा, तुमची ब्रेड एकदम ताजी वाटेल आणि खूप मऊही होईल.
आता पापड तळण्यासाठी तेल वापरण्याची गरज भासणार नाही. पापड मायक्रोवेव्हमध्ये ठेवा आणि दीड मिनिटासाठी टायमर सेट करा. पापड पूर्णपणे भाजून कुरकुरीत होईल.
कोथिंबीर किंवा पुदिना साठवून ठेवायचे असेल तर, ते उन्हात वाळवण्याऐवजी ते मायक्रोवेव्हमध्ये वाळवू शकता. मायक्रोवेव्हमध्ये 2 मिनिटांसाठी टायमर सेट करून गरम करा. यामुळे ते पूर्णपणे सुकतील आणि कुरकुरीत होतील. त्यानंतर त्यांना कुस्करून एका डब्ब्यात साठवून ठेवा.
