आपल्या शरीराचा प्रत्येक अवयव हा खूप महत्त्वाचा असतो. पायांचे आरोग्यही तितकेच महत्त्वाचे मानले जाते. पाय देखील शरीराचा एक भाग आहेत, त्यांची देखील काळजी घेणे आवश्यक आहे. फक्त आंघोळ करताना साबणाने पाय धुवून पाय कायमचे निरोगी राहू शकत नाहीत. नोकरी करणाऱ्या महिलांनी महिन्यातून किमान दोनदा पेडीक्योर करणे गरजेचे आहे. यामुळे पायांची त्वचा निरोगी आणि मऊ राहते. पावसाळ्यात दुधाने पेडीक्योर करणे सर्वात उत्तम, यामुळे पाय मऊ होतील आणि पायांचे आरोग्यही उत्तम राहते.
दुधाच्या पेडीक्योरसाठी आवश्यक साहित्य:
3 कप दूध
1 बादली कोमट पाणी
1 टीस्पून मीठ
1 कप पांढरी साखर
1/2 कप तपकिरी साखर
पेडीक्योर ब्रश
कसे तयार करावे:
स्वच्छ पाण्याने पाय धुवावे. त्यानंतर नखे स्वच्छ करण्यासाठी नेलपॉलिश इत्यादी काढून टाका. बादलीत दूध, मीठ आणि साखर मिसळावी. तुम्हाला हवे असल्यास, तुम्ही गुलाबजल देखील घालू शकता. कोमट पाणी मिसळा.
पेडीक्योर कसे करावे
धुतलेले पाय बादलीत तयार केलेल्या मिश्रणात घाला आणि बाजूला ठेवा. पाय १० मिनिटे भिजू द्या.
यानंतर, पेडीक्योर ब्रशने पाय स्वच्छ करा. जर तुम्हाला तुमचे नखे कापायचे असतील तर ते कापून टाका. या काळात नखे खूप मऊ होतात आणि सहज कापली जातात.
फायदे
दुधाच्या पेडीक्योरचे अनेक फायदे आहेत. त्यात समाविष्ट केलेला प्रत्येक घटक त्वचेसाठी फायदेशीर असतो. जर पायांमध्ये थकवा येत असेल तर टी ट्री आॅईलही लावता येते.
पाण्यातून पाय काढल्यानंतर, स्वच्छ पाण्याने धुवा. टॉवेलने पुसून टाका आणि थोडी क्रीम लावा. यामुळे तुमचे पाय खूप मऊ होतील.
