पाकिस्तानसाठी हेरगिरी केल्याप्रकरणी पंजाब पोलिसांनी एका व्यक्तीला अटक केली आहे. गंगादीप सिंह चावला असे या दहशतवाद्याचे नाव आहे. चावलाने पाकिस्तानला हिंदुस्थानशी निगडीत संवेदनशील माहिती दिली होती.
गंगादीप सिंहने पाकिस्तानला हिंदुस्थानी सैन्य, सैन्याचे लोकेशन आणि ऑपरेशन सिंदूरबाबत माहिती पुरवल्याच समोर आले आहे. गंगादीप सिंह हा पाकिस्तानमधील खलिस्तानी दहशतवाद्यांचा म्होरक्या गोपाल सिंह चावलाशी गेली पाच वर्ष संपर्कात होता. यांच्याच माध्यमातून गोपाल सिंहची आणि पाक इंटेलिजन्सशी त्याची ओळख झाली. हिंदुस्थानबाबात माहिती दिल्याबद्दल गोपाल सिंहला पाकिस्तानने पैसेही दिले आहेत.
चावलाचा फोन जप्त केला असता त्याच्या फोनमध्ये आयएसआयचे 20 नंबर मिळाले आहेत. या नंबरवरून तो कुणाला संपर्क करत होता, आणखी कुठली माहिती शेअर केली याचा तपास पोलीस करत आहेत.
