पहिली पाहून हिंदी भाषा सक्तीची करण्याचा महायुती सरकारच्या निर्णय घेतला आहे. त्यावरून सध्या राज्यभरातून सरकारवर टीका होत आहे. राज्याचे शिक्षणमंत्री दादा भुसे यांनी गुरुवारी याविषयी बोलताना इयत्ता पहिली ते तिसरीपर्यंत हिंदी भाषेचे मौखिक शिक्षण दिले जाईल असे सांगितले. त्यावरून शिवसेना (उद्धव बाळासाहेब ठाकरे) पक्षाचे नेते, युवासेनाप्रमुख, आमदार आदित्य ठाकरे यांनी त्यावरून महायुती सरकारवर टीका केली आहे.
”शिक्षण मंत्र्यांनी स्वतः आधी शाळेत जाऊन बसावं आणि असे धडे घ्यावेत! आधीच पहिलीतल्या मुलांवर तीन भाषा शिकण्याची सक्ती, त्यात पुस्तक नाही तर मौखिक अभ्यास! हे सरकार चालवताएत की कॉमेडी शो? काय बोलताय, काय ठरवताय, स्वतः जरा ऐकून बघा आणि यांनाच आधी पहिलीत पाठवा! तिथेही ‘नापास’ होतील.”, असे आदित्य ठाकरे यांनी ट्विट केले आहे.
