उद्यापासून यूपीआय बॅलन्स चेकिंगवर मर्यादा येणार

1 ऑगस्टपासून यूपीआयच्या नियमात मोठे बदल केले जाणार आहेत. फोन पे, गुगल पे आणि पेटीएम यासारख्या यूपीआय अ‍ॅप्सच्या वापराच्या नियमात बदल केले जाणार आहे. नॅशनल पेमेंट्स कॉर्पोरेशन ऑफ इंडिया (एनपीसीआय) ने ट्रान्झॅक्शन सिस्टमला आणखी सोपे आणि सुरक्षित करण्यासाठी नवीन नियम आणण्याचे ठरवले आहे. 1 ऑगस्ट 2025 पासून यूपीआयवर बॅलेन्स चेक करण्यासाठी मर्यादा येणार आहे. एका अ‍ॅपवरून दिवसभरात केवळ 50 वेळा यूपीआयवर बॅलेन्स चेक करता येईल. वारंवार बॅलेन्स चेक केल्याने सिस्टमवर लोड पडतो आणि सर्व्हर डाऊन होते, त्यामुळे हा बदल करण्यात येणार आहे. लिंक्ड बँक अकाउंट्स चेक करण्यावरही मर्यादा येणार आहे. आता केवळ 25 वेळा अकाउंट्स पाहू शकता येईल.