मुंबई शहर आणि उपनगरांमध्ये दोन दिवसांपासून मुसळधार पाऊस कोसळत आहे. तसेच अनेक ठिकाणी पाणी साचल्याने वाहतूक धिम्या गतीने सुरू आहे. हावामान खात्याने मुंबई शहर आणि उपनगरात रेड अलर्ट देत मुसळधार पावसाची शक्यता वर्तवली आहे. त्यामुळे मुंबईतील सर्व शासकीय, निमशासकीय कार्यालये यांना आज सुटी जाहीर करण्यात आली आहे. तसेच खासगी कार्यालये/ आस्थापनांनी आपल्या कर्मचाऱ्यांना घरी राहून कामकाज (वर्क फ्रॉम होम) करण्याच्या सूचना द्याव्यात, असे आवाहन करण्यात आले आहे.
हवामान खात्याने मंगळवार (दिनांक १९ ऑगस्ट २०२५ रोजी) मुंबई महानगरपालिका क्षेत्रात (मुंबई शहर आणि उपनगरे) अतिमुसळधार पावसाचा इशारा (रेड अलर्ट) दिला आहे. त्याचप्रमाणे, मुंबईत सातत्याने पाऊस कोसळतो आहे. या पार्श्वभूमीवर, बृहन्मुंबई महानगरपालिका क्षेत्रातील अत्यावश्यक सेवा वगळता, इतर सर्व शासकीय, निमशासकीय कार्यालये तसेच मुंबई महानगरपालिका कार्यालये यांना जिल्हा आपत्ती व्यवस्थापन प्राधिकरण या नात्याने महानगरपालिकेकडून आज सुटी जाहीर करण्यात येत आहे. खासगी कार्यालये/ आस्थापनांनी आपल्या कर्मचाऱ्यांना घरी राहून कामकाज (वर्क फ्रॉम होम) करण्याच्या सूचना द्याव्यात, असे आवाहन करण्यात आले आहे.
📢मुंबईतील सर्व शासकीय, निमशासकीय कार्यालये यांना आज दिनांक १९ ऑगस्ट २०२५ रोजी सुटी
🔹खासगी कार्यालये/ आस्थापनांनी आपल्या कर्मचाऱ्यांना घरी राहून कामकाज (वर्क फ्रॉम होम) करण्याच्या सूचना द्याव्यात
🌧️भारतीय हवामान खात्याने आज मंगळवार, दिनांक १९ ऑगस्ट २०२५ रोजी बृहन्मुंबई…
— माझी Mumbai, आपली BMC (@mybmc) August 19, 2025
मुंबई महानगरातील सर्व खासगी कार्यालये, आस्थापना यांनी आपल्या कामकाजाच्या स्वरूपानुसार, कर्मचाऱ्यांना घरी राहून कामकाज (वर्क फ्रॉम होम) करण्याच्या आणि अनावश्यक प्रवास टाळण्याच्या सूचना तातडीने द्याव्यात, असे आवाहन मुंबई महानगरपालिकेतर्फे करण्यात आले आहे.
