सुरक्षा साधनांशिवाय प्रेस मशीनवर काम करताना एका अल्पवयीन कामगाराचा हात प्रेसमध्ये अडकल्याने चार बोटे व तळहात तुटला. ही घटना शुक्रवारी (दि. 24) सकाळी नऊच्या सुमारास एमआयडीसी भोसरी येथे ए-वन इंजिनिअरिंग कंपनीत घडली.
बालाजी आलुरे (वय 45, रा. भोसरी) असे गुन्हा दाखल झालेल्या आरोपीचे नाव आहे. याबाबत अल्पवयीन कामगाराने एमआयडीसी भोसरी पोलीस ठाण्यात फिर्याद दिली आहे. कंपनीचे सुपरवायझर आरोपी आलुरे याने फिर्यादीला कोणतीही सुरक्षा साधने न देता आणि प्रशिक्षणाशिवाय प्रेस मशीनवर कामाला लावले. काम सुरू असताना मशीनचे डाय अचानक खाली आल्याने फिर्यादीचा हात मशीनमध्ये अडकला आणि चारही बोटे आणि तळहात तुटून गंभीर दुखापत झाली. पोलीस हवालदार रोकडे तपास करीत आहेत.
