मध्यप्रदेशातील एका शाळेत धक्कादायक घटना घडली. एक 14 वर्षीय विद्यार्थाने टोकाचे पाऊल उचलले आहे. मध्यप्रदेशातील एका खासगी शाळेच्या 3 मजल्यावरून उडी घेत जीवन संपवण्याचा प्रयत्न केला. पोलिसांना घटनेची माहिती मिळताच त्यांनी तातडीने सुत्र हलवली आणि तपास सुरू केला आहे. पोलिसांनी शाळेचे सीसीटीव्ही फुटेजही ताब्यात घेतले आहे.
शाळेच्या सीसीटीव्ही फुटेजमध्ये हा मुलगा प्राध्यापकांच्या खोलीतून बाहेर पडताना दिसत आहे. प्राध्यापकांच्या खोलीत जाण्यापूर्वी तो खूप घाबरलेला दिसत होता. यानंतर तब्बल 4 मिनिटं हा मुलगा प्राध्यापकांच्या खोलीत होता. मिळालेल्या माहितीनुसार, या चार मिनिटात या विद्यार्थ्यांनी शिक्षकांची 52 वेळा माफी मागितली. यानंतर खोलीबाहेर आला आणि धावत जाऊन शाळेच्य़ा तिसऱ्या मजल्यावरून उडी घेतली.
दरम्यान या विद्यार्थ्याने टोकाचे पाऊल का उचलले याबाबत अद्यापही कोणती माहिती समोर आलेली नाही. दरम्यान प्राथमिक माहितीनुसार, दोन दिवसांपूर्वीच 10 वी च्या या विद्य़ार्थ्य़ांने वर्गातील एक व्हिडीओ सोशल मीडियावर शेअर केला आहे. हा व्हिडीओ व्हायरल झाल्यामुळे शाळेच्या मुख्याध्यापकांनी मुलाच्या पालकांना शाळेत बोलावले. त्यामुळेच मुलाने आत्महत्येचा प्रयत्न केल्याचे शाळेचे अधिकारी राजेंद्र यांनी सांगितले.
या घटनेनंतर त्या विद्यार्थ्याला तातडीने रुग्णालयात दाखल केले असून त्याच्यावर उपचार सुरू आहेत. पोलिसांनी या घटनेची चौकशी सुरू केली असून चौकशीनंतर पुढील कारवाई केली जाईल असे सांगितले आहे.
राष्ट्रीय स्तरावरील स्केटर असलेल्या या मुलाने राष्ट्रीय स्पर्धांमध्ये सहा पदके जिंकली आहेत. 4 डिसेंबर 2025 रोजी विशाखापट्टणम येथे होणाऱ्या दुसऱ्या राष्ट्रीय स्पर्धेत तो सहभागी होणार होता. मात्र आता त्याला या स्पर्धेत सहभागी होता येणार नाहीए.
