वेंगुर्ले नगर परिषदेच्या सार्वत्रिक निवडणुकीत शिवसेनेने शिंदे गटाला मागे टाकत तीन जागांवर विजय प्राप्त केला. शिंदे सेनेला 21 जागांपैकी केवळ एका जागेवर विजय मिळाला. शिवसेनेचे संदेश निकम, सुमन निकम व समिधा रेडकर हे तीन उमेदवार विजयी झाले आहेत. नगरसेवकपदासाठी प्रभाग क्र. 8 अ- मधून शिवसेना पक्षाच्या सुमन निकम 432 मतांनी विजयी झाल्या. प्रभाग क्र. 8 ब मधून शिवसेनेचे संदेश निकम 373 मतांनी विजयी झाले तर प्रसाद गुरव (भाजप) – 237 मतांवर राहिले. प्रभाग क्र. 9 ब – सर्वसाधारण (महिला) मधून शिवसेनेच्या समिधा रेडकर 369 मतांनी विजयी झाल्या. तर यशस्वी नाईक (भाजप) -358, श्रद्धा बावीस्कर (शिंदे गट) – 128 रत्नप्रभा टोमके (अपक्ष) – 26, नोटा – 22 अशी मते मिळाली.
देवरुखमध्ये शिवसेनेचे तीन उमेदवार विजयी
देवरुख नगर पंचायतीच्या आज जाहीर झालेल्या निकालात शिवसेनेच्या तीन नगरसेवकांनी विजय प्राप्त केला आहे. प्रभाग क्रमांक 12 – बाळा कामेरकर, प्रभाग क्रमांक 13 – रितिका कदम, प्रभाग क्रमांक 15 – निधा कापडी विजयी झाल्या.
कणकवलीत नगराध्यक्षपदी संदेश पारकर विजयी
कणकवली नगरपंचायत सार्वत्रिक निवडणुकीत शहर विकास आघाडीचे उमेदवार संदेश पारकर यांनी पालकमंत्री नितेश राणे यांना धक्का देत विजय मिळवला आहे. नगराध्यक्षपदासाठी शहरविकास आघाडीचे संदेश पारकर यांना 5 हजार 241 तर भाजपचे नगराध्यक्ष पदाचे उमेदवार समीर नलावडे यांना 5 हजार 96 तर अपक्ष उमेदवार गणेशप्रसाद पारकर यांना 72 मते पडली आहेत. त्यामुळे संदेश पारकर यांचा 145 मतांच्या मताधिक्याने विजय झाला. विजयानंतर संदेश पारकर यांनी कणकवलीकरांनी भयमुक्त कणकवलीला काwल दिल्याची प्रतिक्रिया दिली.
