छत्तीसगडच्या कांकेर जिल्ह्यात सुरक्षा दलांसोबत झालेल्या चकमकीत एक महिला नक्षलवाद्याला कंठस्नान घालण्यात पोलिसांना यश मिळाले आहे. ३१ मार्च रोजी सरकारने छत्तीसगड सशस्त्र माओवाद्यांपासून मुक्त घोषित केल्यानंतर १२ दिवसांनी ही घटना घडली.
छोट्या बेथिया पोलीस ठाण्याच्या हद्दीतील एका वनक्षेत्रात सकाळी ही गोळीबारची घटना घडली. त्यावेळी सुरक्षा दलाचे एक पथक नक्षलवादविरोधी मोहिमेवर होते, असे एका वरिष्ठ पोलीस अधिकाऱ्याने सांगितले.
त्यांनी सांगितले की, घटनास्थळावरून एका महिला नक्षलवादीचा मृतदेह आणि एक शस्त्र जप्त करण्यात आले आहे. अधिकाऱ्याने सांगितले की, महिला नक्षलवादीची ओळख रूपी असून ती माओवाद्यांच्या प्रतापपूर क्षेत्र समितीची सदस्य आहे. या भागात शोधमोहीम अद्यापही सुरू असून, पुढील तपशिलाची प्रतीक्षा आहे.
