आर्टिफिशल इंटेलिजन्सने ( एआय) आपल्या जीवनात शिरकाव केला आहे. चॅटजीपीटी, स्मार्टवॉच यासारख्या अनेक एआय प्रणालींची आपण संपर्कात येत आहोत. एआयमुळे जीवनात सुलभता आली असली तर वैयक्तिक माहितीच्या गोपनीयतेवर प्रश्नचिन्ह उभे राहिले आहे. मोबाईलमधील एआय तुमचा पर्सनल डेटा चोरत असल्याचे धक्कादायक बाब संशोधनातून उघड झाली आहे. वेस्ट व्हर्जिनिया विद्यापीठाचे सायबर सुरक्षा तज्ञ प्रा. ख्रिस्तोफर रामेझान यांनी एआय टुल्स दोन प्रकारे माहिती गोळा करतात असे सांगितले. जनरेटिव्ह एआय आणि प्रेडिक्टिव्ह एआय.
जनरेटिव्ह एआय – उदाहरणार्थ चॅट जीपीटी किंवा गुगल जेमिनी यामध्ये युजर्सने विचारलेला प्रश्न, किंवा उत्तर आणि सूचनांचा मजकूर गोळा केला जातो. ही माहिती पुढील प्रशिक्षणासाठी वापरली जाते. यातील काही मूलभूत माहिती कंपनीकडे साठवली जाते.
प्रेडिक्टिव्ह एआय – सोशल मीडिया प्लॅटफॉर्म्स जसे की फेसबुक, इन्स्टाग्राम, टिकटॉक यावरील आपल्या प्रत्येक कृतीवर (पोस्ट, लाईक, कमेंट, व्हिडीओ बघण्याचा वेळ) नजर ठेवून आपले डिजिटल प्रोफाइल तयार करतात आणि आपल्या वर्तनाचे अंदाज बांधतात.
स्मार्टवॉच, फिटनेस ट्रेकर्स ही उपकरणे आवाज, लोकेशन, बायोमेट्रीक माहिती गोळा करतात. ही माहिती बहुतांश वेळा क्लाऊडवर साठवली जाते. ती प्रोफायलिंगसाठी वापरली जाण्याची शक्यता असते. एआय टुल्सने संकलित केलेली माहिती थर्ड पार्टीला शेअर करण्याची किंवा विकली जाण्याची शक्यता आहे.
काय कराल
- वैयक्तिक माहिती शेअर करण्यास टाळा- एआय टूल्समध्ये नाव, जन्मतारीख, घरचा पत्ता, आधार क्रमांक यासारखी माहिती कधीही टाकू नका.
- प्रोफेशनल डेटा सुरक्षित
- कामाच्या ठिकाणी गोपनीय कागदपत्रे किंवा माहिती एआय चॅटवॉक्समध्ये शेअर करू नका.
