भाजप नेते विजय शहा यांनी कर्नल सोफिया कुरेशी यांच्याबद्दल वादग्रस्त विधान केले होते. आता आणखी एका भाजप नेत्याने हवाई दलाचा अपमान केला आहे. ऑपरेशन सिंदूरच्या वेळी हवाई दलाचे जवान झोपा काढत असणार असे विधान भाजप आमदार रणवीर सिंह पठानिया यांनी केले आहे. त्यांच्या या विधानामुळे वाद निर्माण होण्याची शक्यता आहे.
उधमपूर एअर फोर्स स्टेशनच्या माध्यमातून रस्त्याचे रुंदीकरणाची एक नोटीस आली होती. या नोटिशीविरोधात स्थानिक नागरिकांनी आंदोलन केले. या नोटिशीत रस्त्याच्या आजू बाजूची घरं आणि दुकानं हटवण्याचे आदेश दिले होते. तेव्हा
पत्रकारांशी बोलताना पठानिया म्हणाले की या जवानांना आम्ही तळहाताच्या फोडाप्रमाणे जपलं. पण हे नालायक निघाले, जेव्हा ऑपरेशन सिंदूर सुरू होतं तेव्हा हे लोक झोपा काढत असणार असे पठानिया म्हणाले.
