महाराष्ट्र राज्याचे उपमुख्यमंत्री अजित पवार यांचे बारामती येथे विमान अपघातात निधन झाले. मुंबईहून उड्डाण घेतलेले त्यांचे विमान बारामतीत लँडिंग करताना कोसळले. या भीषण अपघातात अजित पवार यांच्यासह 5 जणांचा मृत्यू झाला. अजित पवारांच्या अकाली एक्झिटमुळे संपूर्ण महाराष्ट्राक शोककळा पसरली आहे.
Ajit Pawar Plane Crash – DGCA कडून विमान अपघाताची चौकशी आणि ब्लॅक बॉक्स शोधण्याचे काम सुरू
जिल्हा परिषदेच्या निवडणुकीच्या पार्श्वभूमीवर आज बारामतीमध्ये अजित पवार यांच्या चार सभा होत्या. त्यामुळे ते मुंबईहून बारामतीसाठी नेहमीप्रमाणेच लवकर निघाले होते. यावेळी अजित पवारांसोबत विमानात एकूण सहा जण होते. मृतांमध्ये अजित पवार, मुंबई पीसओ, दोन पायलट आणि फ्लाईट अटेंडन्ट यांचा समावेश होता. या सहाही जणांचा मृत्यू झाला आहे.
अजित पवार आपल्या प्रवासाबाबत नेहमीच काळजी घ्यायचे. याबाबत अनेदा त्यांनी बोलूनही दाखवले होते सध्या अजित पवारांचा एक जुना व्हिडीओ व्हायरल होतोय. हा9 जानेवारी 2026 चा हा व्हिडीओ आहे. यावेळी अजित पवार मिरजमध्ये महानगरपालिका प्रचारासाठी आले होते. यावेळी त्यांनी त्यांच्य़ा नियोजनाबद्दल वक्तव्य केलं होतं. विमान उड्डाणासाठी उशीर होत असला आणि वैमानिकाचा निरोप आला की मला सभा आवरून जावं लागतं, असं अजित पवार पदाधिकाऱ्याना म्हणाले होते.
अपघातातील मृतांची नावे पुढीलप्रमाणे –
1. माननीय उपमुख्यमंत्री अजित दादा पवार साहेब
2. मुंबई पीएसओ HC विदीप जाधव
3. पायलट कॅप्टन सुमित कपूर
4. कॅप्टन संभवी पाठक
5. पिंकी माळी, फ्लाईट अटेंडंट
DGCA कडून विमान अपघाताची चौकशी
या विमान अपघाताची डीजीसीएकडून (Directorate General of Civil Aviation) चौकशी करण्यात येत आहे. या संदर्भात डीजीसीएकडून निवेदन जारी करण्यात आले आहे. बारामतीमधील विमान अपघाताची चौकशी करण्यात येत आहे. ही चौकशी डीजीसीए आणि एएआयभीद्वारे केली जाईल, असे डीजीसीएचे प्रमुख फैझ अहमद किडवई यांनी म्हटले आहे.
