मुंबईमधील बीकेसी येथील अमेरिकी दूतावासाला बॉम्बने उडवण्याची धमकी देण्यात आली आहे. ही धमकी एका फोन कॉलद्वारे देण्यात आली. या घटनेची माहिती मिळताच बीकेसी पोलिसांना तातडीने सूचित करण्यात आले. पोलीस आणि बॉम्ब निरोधक पथकाने त्वरित घटनास्थळी धाव घेत संपूर्ण परिसराची तपासणी केली, मात्र कोणतीही संशयास्पद वस्तू आढळली नाही.
मिळालेल्या, अमेरिकी दूतावासाला एका अज्ञात व्यक्तीने फोन करून बॉम्बने इमारत उडवण्याची धमकी दिली. या धमकीमुळे प्रशासनात खळबळ उडाली. बीकेसी पोलीस ठाण्याला माहिती मिळताच पोलिसांनी तात्काळ कारवाई सुरू केली. बॉम्ब निरोधक पथकासह (Bomb Detection and Disposal Squad) पोलिसांची विशेष टीम घटनास्थळी दाखल झाली आणि दूतावासाच्या परिसराची तपासणी केली. तासाभराच्या तपासणीनंतर कोणतीही संशयास्पद वस्तू किंवा स्फोटक साहित्य आढळले नाही.
दरम्यान, बीकेसी पोलिसांनी या प्रकरणाचा तपास सुरू केला असून, धमकी देणारा कॉल कोणत्या क्रमांकावरून आला, याचा मागोवा घेण्याचे काम सुरू आहे. कॉलरची ओळख पटवण्यासाठी तांत्रिक तपास आणि फोन कॉलच्या रेकॉर्डची छाननी केली जात आहे. पोलिसांनी या प्रकरणाला गंभीरपणे घेतले असून, धमकीमागील हेतू आणि व्यक्तीचा शोध घेण्यासाठी सर्वतोपरी प्रयत्न सुरू आहेत.
